Dwerge in Folklore | The Faeries and Folklore Podcast

Episode 229: Alleenloper Feë: Dwerge

Alles omtrent Dwerge in volkskunde en hoe ek dit in my skryfwerk gebruik.

Transkripsie

Jy luister na die Faeries and Folklore podcast deur Ronel.

Ek is donker fantasie skrywer Ronel Janse van Vuuren. Met meer as ‘n dekade van rondsnuffel in stowwerige volkskunde boeke, om wesens van verbeelding wat my nuuskierigheid aangewakker het na te vors, is ek hier om die volkskunde in ‘n neutedop te deel en hoe ek dit herverbeel het vir my skrywerk in ‘n oorsprong van die feë.

Hierdie is die Faeries and Folklore podcast.

Hi, ek is jou gasvrou Ronel Janse van Vuuren. Noem my sommer net Ronel. In vandag se episode, gaan ons voort met ons verkenning van die feëryk.

Hierdie episode is geborg deur my Donker Hof Susters Reeks. Beskikbaar in eBoek en Luisterboek. Drie susters. Drie voorbestemmings. Drie maniere om die wêreld te verwoes. Gaan na ronelthemythmaker.com/donkerhofsusters om meer te leer.

Jy kan nou my tyd om die podcast te maak – navorsing, skryf, opnames, ensomeer – borg deur vir my ‘n koffie te koop. Dit kan eenmalig wees, of jy kan dit weer in die toekoms doen.

Skakels in die beskrywing.

Ons gaan voort met ons verkenning van Alleenloper Feë. 

Vandag se fee: Dwerge

Volkskunde in ‘n Neutedop deur Ronel

“Duergar” kan verwys na die ras van dwerge in die Noorse mitologie of die “Simonside Dwerge”.

In die Germaanse mitologie is dwerge klein mensvormige wesens (soms kort en lelik) wat in berge en in die aarde woon. Hulle word gewoonlik geassosieer met mynbou, smeedwerk en handwerk.

Die “Simonside Dwerge” is ‘n ras van dwerge wat met die Simonside Heuwels in Noord-Engeland geassosieer word. Hulle verheug hulle klaarblyklik daarin om reisigers op die manier van die dwaallig te laat dwaal. In koerante (die Morpeth Gazette, 1889) en boeke (The Duergar in Folk Tales of the North Country deur F. Grice, 1944, en Legends and Folklore of Northumbria, 1930) word hierdie dreigende dwerge gelei deur een bekend as Roarie.

In die Noorse mitologie is duergar entiteite wat afkomstig is van rotse en aarde. Hulle is bekend vir hulle handwerk, metaalwerk, wysheid en hebsug. Hulle word beskryf as ‘n lykbleek vel en gitswart hare.

En nou vir my interpretasie van die feë in ‘n Oorsprong van die Feë: Dwerge

“Duergar” is uitruilbaar met “Dwerge” (nie Dwergie nie), afhangende met wie in Feërie jy praat. Vir die meeste beteken Duergar dat groot dwerge opgedaag het, gereed om te oorwin.

Alhoewel nie deel van die Helder of Donker howe nie, word hulle nietemin deur die meeste feë gevrees.

Dwerge is so lank soos kort mense. Hulle het growwe baarde, groot spiere, stewige lywe en hande wat skedels kan vergruis en ingewikkelde metaalontwerpe in gelyke mate kan skep. Afhangende van waar hulle kom, het Dwerge velkleure wat wissel van sneeuwit tot ebbehoutbruin.

Die meeste Dwerge hou oor die algemeen vir hulself en speel met edelstene en metaal wat deur die aarde opgelewer word, hoewel daar diegene is wat oormatige hebsug het. Dit het daartoe gelei dat hulle uiters diep in die aarde gegrawe het, byna tot by die kerker Tartarus waar bose onsterflike wesens gevange gehou word.

Sommige Dwerge het vir Dagda in die Onderwêreld gaan werk. Hier het hulle onbeperkte toegang tot die skatte wat die aarde hou. Hulle werk as lyfwagte en algemene bediendes vir Dagda.

Alle Dwerge is uiters begaafd waar dit kom by die werk met edelstene en metaal. Die voorwerpe wat hulle daarvan skep, is bekend. Hulle is ook bekend vir hul krag en magiese kragte.

Diegene wat verkies om te oorwin (gee aan hul hebsug), het nie beswaar om hul kragte met donker voorwerpe aan te vul nie. Hulle is die slegste van hul ras. Diegene wat die Donker Koning deur hul hebsug kruis (deur, sê amper die opening van Tartarus), word deel van die Ongesiene Menigte en verloor alles wat hulle as Dwerge gehad het (hul kultuur, huise, persoonlikheid. Ens.) – dis ‘n lot erger as die dood.

Ek hoop dat jy hierdie episode van die faeries and folklore podcast geniet het en dat jy iets nuuts oor die feë geleer het.

Onthou dat jy ‘n transkripsie van hierdie episode in die beskrywing kan kry. As jy nuut is by die podcast, hoekom nie na my webtuiste ronelthemythmaker.com gaan en ‘n gratis kopie van ‘Ongesiens’, die tweede boek in die Feëverhale reeks, te kry nie? Tonne volkskunde, toorkrag en gevaar wag! Pas op!

Beskikbaar by

Audible | Podbean | Amazon Music | Spotify | Youtube | iHeart Radio | Player FM | Listen Notes | Apple Podcasts | TuneIn

Explore the Audiobook Library ✦ Browse the Lore Archive ✦ Discover the Faerie Mythos Books ✦ Join the Mythmaker’s Circle

Enjoying the podcast?
If you’ve enjoyed this episode, you can support the time and care that goes into researching, writing, recording, and producing the Faeries & Folklore Podcast by buying me a coffee.
Your support is always appreciated, whether it’s a one-time thank you or an occasional coffee whenever you feel like it. Every contribution helps me continue sharing the folklore, myths, and legends that inspire the Faerie Mythos.