Yumboes in Folklore | The Faeries and Folklore Podcast

Episode 227: Alleenloper Feë: Yumboes

Alles omtrent Yumboes in volkskunde en hoe ek dit in my skryfwerk gebruik.

Transkripsie

Jy luister na die Faeries and Folklore podcast deur Ronel.

Ek is donker fantasie skrywer Ronel Janse van Vuuren. Met meer as ‘n dekade van rondsnuffel in stowwerige volkskunde boeke, om wesens van verbeelding wat my nuuskierigheid aangewakker het na te vors, is ek hier om die volkskunde in ‘n neutedop te deel en hoe ek dit herverbeel het vir my skrywerk in ‘n oorsprong van die feë.

Hierdie is die Faeries and Folklore podcast.

Hi, ek is jou gasvrou Ronel Janse van Vuuren. Noem my sommer net Ronel. In vandag se episode, gaan ons voort met ons verkenning van die feëryk.

Hierdie episode is geborg deur my Donker Hof Susters Reeks. Beskikbaar in eBoek en Luisterboek. Drie susters. Drie voorbestemmings. Drie maniere om die wêreld te verwoes. Gaan na ronelthemythmaker.com/donkerhofsusters om meer te leer.

Jy kan nou my tyd om die podcast te maak – navorsing, skryf, opnames, ensomeer – borg deur vir my ‘n koffie te koop. Dit kan eenmalig wees, of jy kan dit weer in die toekoms doen.

Skakels in die beskrywing.

Ons gaan voort met ons verkenning van Alleenloper Feë. 

Vandag se fee:Yumboes

Volkskunde in ‘n Neutedop deur Ronel

Yumboes, wat in Wes-Afrika ontstaan het, lyk baie soos Europese feë. Hulle staan ook bekend as Bakhna Rakhna wat “goeie mense” beteken, wat nog ‘n eufemisme is wat in die meeste lande vir die feë gebruik word.

Yumboes is glo die geeste van die dooies. Hulle is pêrelwit van kleur – net soos die meeste bonatuurlike wesens in Afrika – met silwer hare. Hulle is nie baie lank nie en woon onder heuwels. Op maanverligte nagte kom hulle uit om te dans. Hulle smul aan lang tafels vol kos – hoofsaaklik vis wat hulle self gevang het en mielies wat van mense gesteel is. Hulle word by hierdie feeste bedien deur onsigbare bediendes en hulle nooi mense om saam met hulle te eet.

Ons weet egter almal dat dit ‘n slegte idee is om saam met fee te eet – jy behoort dalk vir altyd aan hulle.

En nou vir my interpretasie van die feë in ‘n Oorsprong van die Feë: Yumboes

Hulle is klein, met doodsbleek vel en silwer hare. Hulle lyk soet en vriendelik.

Hulle is versot op kos.

Hulle gee nie om om uitgebreide feeste op lang tafels wat behoorlik met silwer en fyn porselein gedek is in die middel van woude uit te sit nie. Hulle deel selfs hul etes met reisigers. Veral maaltye van pruimwyn, vis en mielies.

Hulle het onsigbare bediendes – dit is gaste wat hul verwelkoming oorgebly het en nou stilweg aan hulle verslaaf is.

Wees dus gewaarsku: moenie saam met feë eet nie, anders behoort jy aan hulle.

Ek hoop dat jy hierdie episode van die faeries and folklore podcast geniet het en dat jy iets nuuts oor die feë geleer het.

Onthou dat jy ‘n transkripsie van hierdie episode in die beskrywing kan kry. As jy nuut is by die podcast, hoekom nie na my webtuiste ronelthemythmaker.com gaan en ‘n gratis kopie van ‘Ongesiens’, die tweede boek in die Feëverhale reeks, te kry nie? Tonne volkskunde, toorkrag en gevaar wag! Pas op!

Beskikbaar by

Audible | Podbean | Amazon Music | Spotify | Youtube | iHeart Radio | Player FM | Listen Notes | Apple Podcasts | TuneIn

Explore the Audiobook Library ✦ Browse the Lore Archive ✦ Discover the Faerie Mythos Books ✦ Join the Mythmaker’s Circle

Enjoying the podcast?
If you’ve enjoyed this episode, you can support the time and care that goes into researching, writing, recording, and producing the Faeries & Folklore Podcast by buying me a coffee.
Your support is always appreciated, whether it’s a one-time thank you or an occasional coffee whenever you feel like it. Every contribution helps me continue sharing the folklore, myths, and legends that inspire the Faerie Mythos.