Faeries and Folklore Podcast

The Faeries and Folklore Podcast by Ronel: Dun Plekke en die Ander Kant #podcast #faeries #folklore

Episode 119: Die Ryk van die Feë: Dun Plekke en die Ander Kant

Alles omtrent dun plekke en die ander kant, hoe ek dit herverbeel het vir my skryfwerk en hierdie onderwerp oorvertaal na Engels.

Geskryf en voorgelees deur Ronel Janse van Vuuren.

Kopiereg 2024 Ronel Janse van Vuuren — Alle regte voorbehou.

Leer meer oor dun plekke en die ander kant hier.

Kry die transkripsie hier.

Music: Secrets by David Fesliyan (FesliyanStudios.com) and Dramatic Heartbeat by FesliyanStudios.com

Transkripsie

Jy luister na die Faeries and Folklore podcast deur Ronel.

Ek is donker fantasie skrywer Ronel Janse van Vuuren. Met meer as ‘n dekade van rondsnuffel in stowwerige volkskunde boeke, om wesens van verbeelding wat my nuuskierigheid aangewakker het na te vors, is ek hier om die volkskunde in ‘n neutedop te deel en hoe ek dit herverbeel het vir my skrywerk in ‘n oorsprong van die feë.

Hierdie is die Faeries and Folklore podcast.

Hi, ek is jou gasvrou Ronel Janse van Vuuren. Noem my sommer net Ronel. In vandag se episode, gaan ons voort met ons verkenning van die feëryk.

Hierdie episode is geborg deur my boek Eens… Verhale, Mites en Legendes van Feërie, beskikbaar in meeste formate. Leer meer oor hoe Feërie se geheime onthul word deur te gaan na ronelthemythmaker.com/my-books.

Jy kan nou my tyd om die podcast te maak – navorsing, skryf, opnames, ensomeer – borg deur vir my ‘n koffie te koop. Dit kan ‘n eenkeer ding wees, of jy kan dit weer in die toekoms doen. Gaan na buymeacoffee.com/ronel om my te ondersteun.

Ons gaan voort met ons verkenning van die ryk van die feë.

Vandag se onderwerp: Dun plekke en die anderkant

Volkskunde in ‘n Neutedop deur Ronel

Dun Plekke is spesifieke terreine met ‘n mistieke kwaliteit, plekke waar die Sluier tussen die Ryke dun is. Daar is mense wat beweer dat hulle betowering, krag, wysheid en alternatiewe realiteite ervaar wanneer hulle met ‘n Dun Plek te doen het.

Ierland is besaai met dun plekke. Van bekendes soos Newgrange, die Hill of Tara, Drombeg-klipsirkel, Carrowmore en Glendalough tot minder bekende, maar tog moet-sien-terreine, soos die Hill of Uisneach waar al die ruslyne van Ierland ontmoet, Caldragh-begraafplaas op Boa-eiland, Coole Park wat die tuiste van Lady Gregory was waar baie ander wat bygedra het tot Ierse letterkunde – soos William Butler Yeats en Lady Gregory self – verstom was oor die akkers bosveld en tuine, Glencolumbkille wat deur St. Columcille ingewy is nadat hulle demone uit die vallei in die see gedryf het, en die klipsirkels langs die Beara Way in County Cork.

Die Kelte het die jaar in twee dele verdeel: die lig (somer) en die donker (winter). Samhain is die verdeling tussen hierdie helftes en ook die tyd wanneer die Sluier tussen die wêrelde die dunste is. Mense en Feë meng vrylik in hierdie tyd, hoewel die meeste mense kostuums dra om die Feë te flous oor hul identiteite om nie deur hulle weggevoer te word nie. Omdat Samhain ‘n “nêrens” tyd is, tussen die ou jaar en die nuwe, vermy mense oor die algemeen begraafplase en kruispaaie om nie per ongeluk die Onderwêreld in te steek nie. Beltane verdeel ook hierdie tye, maar dit het nie soveel van ‘n effek op die Sluier soos Samhain nie. Die enigste kennis wat ek kon vind wat Beltane spesifiek aan ‘n verdunning in die Sluier bind, is die Llyn Cwm Llwch-meer wat ‘n onsigbare eiland bevat wat slegs bereik kan word deur ‘n deur in rots wat elke Beltane oopmaak.

Tussenin tye en plekke gee die bonatuurlike (feë, demone, ens.) die grootste krag om die lewens van sterflinge te beïnvloed. Tussenin tye (“dun tye”) sluit in: skemer, dagbreek, Samhain, Beltane en middernag. Tussen-in plekke (“dun plekke”) sluit in: seestrande, bergtoppe, moerasse, klipstapels (begraafplase), klipsirkels, grot ingange, kruispaaie en woude.

En nou vir my interpretasie van die feë in ‘n Oorsprong van die Feë:

Oorsprong van die Feë: Dun Plekke

By kruispaaie, begraafplase en ander plekke van verandering en keuse is die Sluier tussen Ryke uiters dun. (Ryke in hierdie konteks: Land van die Dooies en Land van die Lewendes.)

Die Lewendes kan maklik oorsteek. Solank hul liggame ongeskonde bly, kan hulle terugkeer na hul lewens.

Die dooies wil oorgaan na die Land van die Lewendes en sal deur Grims/Barguest gejag word om terug te keer na die Anderkant.

Dun plekke moet op Samhain vermy word.

Oorsprong van die Feë: Anderkant

Verwysing na die na die Ryk aan die ander kant van die Sluier tussen die Land van die Lewendes en die Land van die Dooies.

Oorsprong van die Feë: Anderwêreld

Ryk van doodsfeë en die dooies. Omvat Tir fo Thoinn (die Land Onder die Golwe, tuiste van Meervroue, sirenes, ens.) die Onderwêreld en ander grys areas tussenin (Valhalla, Hades, Kasteel van die Beskermer van die Sluier, ens.).

Oorsprong van die Feë: Onderwêreld

Waar siele van sterflinge en feë gaan om geoordeel te word en hul finale rus te vind.

Regeerders: Dagda en Hel (onderskeidelik).

Daar is baie lae in die Onderwêreld en baie inwoners van Feërie wat gelukkig in hierdie tussenin plek in Anderwêreld woon.

As ‘n klein bonusie, kom ons kyk na die vertaling van hierdie onderwerpe na Engels:

Thin Places. Dun Plekke.

Other Side. Ander Kant.

Otherworld. Anderwêreld.

Underworld. Onderwêreld.

Ek hoop dat jy hierdie episode van die faeries and folklore podcast geniet het en dat jy iets nuuts oor die feë geleer het.

Onthou dat jy ‘n transkripsie van hierdie episode in die beskrywing kan kry. As jy nuut is by die podcast, hoekom nie na my webtuiste ronelthemythmaker.com gaan en ‘n gratis kopie van ‘Ongesiens’, die tweede boek in die Feëverhale reeks, te kry nie? Tonne volkskunde, toorkrag en gevaar wag! Pas op!

Beskikbaar by

Audible | Podbean | Google Podcasts | Amazon Music | Spotify | Youtube | iHeart Radio | Player FM | Listen Notes | Apple Podcasts | TuneIn

You can now support my time in producing the podcast (researching, writing and everything else involved) by buying me a coffee. This can be a once-off thing, or you can buy me coffee again in the future at your discretion.

Want a taste of my writing? Sign up to my newsletter and get your free copy of Unseen, Faery Tales #2.

Processing…
Success! You're on the list.
fairy
image credit https://pixabay.com/illustrations/ai-generated-fairy-wings-magic-8121013/

No-one writes about the fae like Ronel Janse van Vuuren.

Leave a Reply

Your email address will not be published. Required fields are marked *