The Faeries and Folklore Podcast by Ronel: Yster en Feë #podcast #faeries #folklore

Episode 109: Die Ryk van die Feë: Yster en Feë

Alles omtrent yster en feë, hoe ek dit herverbeel het vir my skryfwerk en hierdie onderwerp oorvertaal na Engels.

Geskryf en voorgelees deur Ronel Janse van Vuuren.

Kopiereg 2024 Ronel Janse van Vuuren — Alle regte voorbehou.

Leer meer oor yster en feë hier.

Kry die transkripsie hier.

Music: Secrets by David Fesliyan (FesliyanStudios.com) and Dramatic Heartbeat by FesliyanStudios.com

Transkripsie

Jy luister na die Faeries and Folklore podcast deur Ronel.

Ek is donker fantasie skrywer Ronel Janse van Vuuren. Met meer as ‘n dekade van rondsnuffel in stowwerige volkskunde boeke, om wesens van verbeelding wat my nuuskierigheid aangewakker het na te vors, is ek hier om die volkskunde in ‘n neutedop te deel en hoe ek dit herverbeel het vir my skrywerk in ‘n oorsprong van die feë.

Hierdie is die Faeries and Folklore podcast.

Hi, ek is jou gasvrou Ronel Janse van Vuuren. Noem my sommer net Ronel. In vandag se episode, gaan ons voort met ons verkenning van die feëryk.

Hierdie episode is geborg deur my boek Eens… Verhale, Mites en Legendes van Feërie, beskikbaar in meeste formate. Leer meer oor hoe Feërie se geheime onthul word deur te gaan na ronelthemythmaker.com/my-books.

Jy kan nou my tyd om die podcast te maak – navorsing, skryf, opnames, ensomeer – borg deur vir my ‘n koffie te koop. Dit kan ‘n eenkeer ding wees, of jy kan dit weer in die toekoms doen. Gaan na buymeacoffee.com/ronel om my te ondersteun.

Ons gaan voort met ons verkenning van die ryk van die feë.

Vandag se onderwerp: Yster en Feë

Volkskunde in ‘n Neutedop deur Ronel

Omdat ons weet dat die feë deel van ons wêreld is, maak dit noodsaaklik om te weet hoe om met hulle om te gaan. En hoe om jouself teen hulle te beskerm. ’n Gewilde en effektiewe manier is yster.

Sedert yster in ‘n bruikbare produk verander is, is geglo dat dit die bonatuurlike afstoot. Om ‘n hoefyster aan ‘n deur te spyker, weer bose geeste af. Om ‘n begraafplaas met ‘n ysterheining te omring, hou die spoke binne. Om ‘n ystermes by die ingang van jou huis te begrawe, sal verhoed dat hekse binnekom. Deur ‘n ysterbedraam te gebruik om in te slaap, sal feë weghou. Ysterskêr wat in ‘n wieg gehou word, sal verhoed dat feë die baba steel en dit met ‘n wisselaar vervang.

Koue yster is ‘n poëtiese vorm van yster en in moderne tye word koue staal in die plek daarvan gebruik. Dit is basies ‘n wapen wat uit yster gesmee is wat bloed kan trek.

Yster is dodelik vir feë en verbrand hulle by kontak. Miskien het yster natuurlike anti-magiese eienskappe aangesien dit die vervaag van magie en die opmars van industrialisasie simboliseer. Daar moet kennis geneem word dat “fee” alle bonatuurlike wesens beteken en dat nie alle feë deur yster aangetas word nie, net die meeste.

Van Plinius die Ouderling wat die beskermende eienskappe van yster in 79 nC voorhou tot mense wat vandag hoefysters aan hul deurkosyne vasspyker (toe ons ons huis ‘n bietjie meer as ‘n dekade gelede gekoop het, het dit verskeie hoefysters en ander ysterverdedigings om die ingange vasgespyker gehad), ons weet dat yster soveel meer waarde het as net skrootmetaal.

En nou vir my interpretasie van die feë in ‘n Oorsprong van die Feë: Yster en Feë

Feë is allergies vir yster. Sommige meer as ander. Yster dreineer hulle van hul toorkrag en dan hul lewenskrag.

Die sterflike ryk ruik na yster. Slegs die mees desperate feë woon nog in die sterflike ryk.

Sommige feë, soos die vorste van die howe en die Assassyn, is immuun teen yster.

As ‘n klein bonusie, kom ons kyk na die vertaling van yster en feë na Engels: iron and fae.

Ek hoop dat jy hierdie episode van die faeries and folklore podcast geniet het en dat jy iets nuuts oor die feë geleer het.

Onthou dat jy ‘n transkripsie van hierdie episode in die beskrywing kan kry. As jy nuut is by die podcast, hoekom nie na my webtuiste ronelthemythmaker.com gaan en ‘n gratis kopie van ‘Ongesiens’, die tweede boek in die Feëverhale reeks, te kry nie? Tonne volkskunde, toorkrag en gevaar wag! Pas op!

Beskikbaar by

Audible | Podbean | Google Podcasts | Amazon Music | Spotify | Youtube | iHeart Radio | Player FM | Listen Notes | Apple Podcasts | TuneIn

You can now support my time in producing the podcast (researching, writing and everything else involved) by buying me a coffee. This can be a once-off thing, or you can buy me coffee again in the future at your discretion.