VERRAAD.
SAMESWERINGS.
TOORKRAG.
Amy ken net een leefwyse: die lewe van ‘n eenvoudige plaasmeisie wat die heilige pegasi versorg en hulle met haar lewe sal beskerm. Wanneer sy gekies word om haar as ‘n vermiste prinses voor te doen tydens ‘n koninklike hofmakery wat ‘n verwoestende oorlog kan voorkom, word sy ingesleep in ‘n glanswêreld van hofpolitiek, profesieë en dodelike geheime.
Agter elke glimlag skuil ‘n bybedoeling. Elke alliansie eis ‘n prys. Terwyl sameswerings al hoe nouer om die koninklike hof sluit, bevind Amy haar tussen die geheimsinnige Prinses Rachel van die Haselneutwoud, die enigmatiese Prins van die Akasiawoud en ‘n sending wat met elke dag gevaarliker word.
Kan hierdie eenvoudige plaasmeisie die lewe aan die hof oorleef? Kan sy haar gevoelens van haar missie skei? En as sy misluk, sal koninkryke brand, oeroue toorkrag ontwaak en die pegasi vir wie sy lief is, in ‘n oorlog meegesleur word wat hulle almal kan vernietig.
HOE VÊR SAL SY GAAN OM HAAR GELIEFDES TE BESKERM?
