Episode 93: Klein, Alledaagse Feë: Seisoenfeë
Alles omtrent die seisoenfeë, hoe ek dit herverbeel het vir my skryfwerk en hierdie fee oorvertaal na Engels.
Geskryf en voorgelees deur Ronel Janse van Vuuren.
Kopiereg 2023 Ronel Janse van Vuuren — Alle regte voorbehou.
Leer meer oor seisoenfeë hier.
Kry die transkripsie hier.
Music: Secrets by David Fesliyan (FesliyanStudios.com) and Dramatic Heartbeat by FesliyanStudios.com
Transkripsie
Jy luister na die Faeries and Folklore podcast deur Ronel.
Ek is donker fantasie skrywer Ronel Janse van Vuuren. Met meer as ‘n dekade van rondsnuffel in stowwerige volkskunde boeke, om wesens van verbeelding wat my nuuskierigheid aangewakker het na te vors, is ek hier om die volkskunde in ‘n neutedop te deel en hoe ek dit herverbeel het vir my skrywerk in ‘n oorsprong van die feë.
Hierdie is die Faeries and Folklore podcast.
Hi, ek is jou gasvrou Ronel Janse van Vuuren. Noem my sommer net Ronel. In vandag se episode, gaan ons voort met ons verkenning van die feëryk.
Hierdie episode is geborg deur my boek Eens… Verhale, Mites en Legendes van Feërie, beskikbaar in meeste formate. Leer meer oor hoe Feërie se geheime onthul word deur te gaan na ronelthemythmaker.com/my-books.
Jy kan nou my tyd om die podcast te maak – navorsing, skryf, opnames, ensomeer – borg deur vir my ‘n koffie te koop. Dit kan ‘n eenkeer ding wees, of jy kan dit weer in die toekoms doen. Gaan na buymeacoffee.com/ronel om my te ondersteun.
Ons gaan voort met ons verkenning van klein, alledaagse feë.
Vandag se fee: Seisoenfeë
Volkskunde in ‘n Neutedop deur Ronel
Sedert die Victoriaanse tydperk is feë nou geassosieer met die natuur – veral blomme. Hulle is ook na klein grootte verskuif. En al verberg sommige wel hul ware aard met betowering – om soos bye of miere te lyk – is dit meestal net seisoenfeë wat werklik besorg is oor die groei van blomme.
Natuurlik het Shakespeare iets te doen gehad met die koppeling van feë aan plante. “A Midsummer Night’s Dream” is miskien die bekendste voorbeeld hiervan.
Elke blom het kwansuis sy eie fee: grasklokkie feetjie, botterblom feetjie, sleutelblom feetjie en so meer. Net soos elke blom sy eie gebruik en kragte het, so het die feë wat hulle bewoon.
Al hierdie feë het een taak in gemeen: om hul plante gereed te maak vir die komende seisoen.
En nou vir my interpretasie van die feë in ‘n Oorsprong van die Feë: Seisoenfeë
Klein feë in beheer van die verandering van die seisoene in die sterflike ryk. Hulle trek aan in blomme en ander plante.
Hulle verf blomme, plant bosse, leer voëls hoe om te sing, ens. vir alle seisoene. Die Cailleach bepaal algehele winter temperature.
Hulle keer terug na Avenir Laagte wanneer hulle klaar is met hul werk in die menseryk en elders.
Hulle word deur Oonagh regeer. Sy is absoluut pragtig met lang goue hare wat oor die grond vee, rokke gemaak van glinsterende silwer ragfyn stof en vlerke wat by haar skoonheid pas.
As ‘n klein bonusie, kom ons kyk na die vertaling van seisoenfeë na Engels: Season Fae.
Ek hoop dat jy hierdie episode van die faeries and folklore podcast geniet het en dat jy iets nuuts oor die feë geleer het.
Onthou dat jy ‘n transkripsie van hierdie episode in die beskrywing kan kry. As jy nuut is by die podcast, hoekom nie na my webtuiste ronelthemythmaker.com gaan en ‘n gratis kopie van ‘Ongesiens’, die tweede boek in die Feëverhale reeks, te kry nie? Tonne volkskunde, toorkrag en gevaar wag! Pas op!
Beskikbaar by
Audible | Podbean | Google Podcasts | Amazon Music | Spotify | Youtube | iHeart Radio | Player FM | Listen Notes | Apple Podcasts | TuneIn
You can now support my time in producing the podcast (researching, writing and everything else involved) by buying me a coffee. This can be a once-off thing, or you can buy me coffee again in the future at your discretion.
Want a taste of my writing? Sign up to my newsletter and get your free copy of Unseen, Faery Tales #2.
No-one writes about the fae like Ronel Janse van Vuuren.
